കോഴിക്കോട്: കോഴിക്കോട് കണ്ണാടിക്കലിൽ ഓവുചാലിൽ യുവാവിന്‍റെ മൃതദേഹം കണ്ടെത്തി. കണ്ണാടിക്കലിൽ വായനശാലയ്ക്ക് സമീപം റോഡിനോട് ചേർന്നുള്ള ഓടയിലാണ് രാവിലെ മൃതദേഹം കണ്ടെത്തിയത്. ഇതിനു സമീപത്തു നിന്നും ഹെൽമറ്റും ബൈക്കും കണ്ടെത്തിയിട്ടുണ്ട്.
കുരുവട്ടൂർ സ്വദേശി വിഷ്ണുവാണ് മരിച്ചതെന്നാണ് പൊലീസ് നൽകുന്ന സൂചന. ബൈക്ക് അപകടമാണെന്നാണ് നിഗമനം. യുവാവിന്‍റെ മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി. പൊലീസ് അന്വേഷണം ആരംഭിച്ചു.
