തിരുവനന്തപുരം: സംസ്ഥാന എൻജിനീയറിങ് പ്രവേശന പരീക്ഷാ ഫലം പ്രസിദ്ധീകരിച്ചു. കണ്ണൂരിൽ നിന്നുള്ള സഞ്ജയ് പി. മല്ലാറിനാണ് ഒന്നാം റാങ്ക്. കോട്ടയം സ്വദേശികളായ ആഷിഖിന് രണ്ടാം റാങ്കും ഫ്രഡി ജോർജ് റോബിന് മൂന്നാം റാങ്കും ലഭിച്ചു.
എസ് സി വിഭാഗത്തിൽ നിന്നും എസ്. ചേതനയും എസ്‌ടി വിഭാഗത്തിൽ നിന്ന് ഏദൻ വിനോദും ആദ്യ സ്ഥാനങ്ങളിലെത്തി. വൈകിട്ട് മൂന്നു മണിക്ക് തിരുവനന്തപുരത്തു ഉന്നത വിദ്യാഭ്യാസ മന്ത്രി ആർ. ബിന്ദുവാണ് ഫലപ്രഖ്യാപനം നടത്തിയത്.
2023 മേയ് 17 നാണ് എൻജിനീയറിങ് പ്രവേശന പരീക്ഷ നടത്തിയത്. മൂല്യനിർണയത്തിനു ശേഷം പ്രവേശന പരീക്ഷയുടെ സ്‍കോർ മേയ് 31നു പ്രസിദ്ധീകരിച്ചിരുന്നു. യോഗ്യതാ പരീക്ഷയുടെ മാർക്കുകൾ കൂടി സമീകരിച്ചു കൊണ്ടുള്ള എൻജിനീയറിങ് റാങ്ക് ലിസ്റ്റാണ് പ്രസിദ്ധപ്പെടുത്തിയത്.
