പ്രവാസി ക്ഷേമനിധി പെന്ഷന് വിതരണത്തിനായി ധനവകുപ്പ് 32 കോടി രൂപ അനുവദിച്ചു
file image
തിരുവനന്തപുരം: സംസ്ഥാനത്തെ പ്രവാസി ക്ഷേമനിധി ബോര്ഡ് വഴിയുള്ള പെന്ഷന് വിതരണത്തിനായി ധനവകുപ്പ് 32 കോടി രൂപ അനുവദിച്ചു. തുക ലഭ്യമായതോടെ ഓണത്തിന് മുന്നോടിയായി അര്ഹരായ പ്രവാസികളുടെ ബാങ്ക് അക്കൗണ്ടുകളിലേക്ക് പെന്ഷന് തുകയെത്തുമെന്ന് ധനവകുപ്പ് അറിയിച്ചു.
മുൻ സർക്കാരിന്റെ കാലത്ത് പ്രവാസി ക്ഷേമനിധി ബോര്ഡിന്റെ പെന്ഷന് ഫണ്ട് വകമാറ്റി ചെലവഴിച്ചതുമൂലം ഉണ്ടായ സാമ്പത്തിക പ്രതിസന്ധിയാണ് പെന്ഷന് വിതരണം മുടങ്ങാൻ കാരണം.
പ്രവാസികളോട് സർക്കാരിനുള്ള പ്രതിബദ്ധത മുന്നിര്ത്തിയാണ് ഈ വിഷയത്തില് അടിയന്തരമായി ഇടപെട്ട് ആദ്യഘട്ട തുക അനുവദിച്ചതെന്നും അധുകൃതർ വ്യക്തമാക്കി. കുടിശികയായിട്ടുള്ള മുഴുവൻ തുകയും എത്രയും പെട്ടെന്ന് അനുവദിക്കുന്നതിനുള്ള നടപടികള് വേഗത്തിലാക്കാന് മുഖ്യമന്ത്രി വി.ഡി. സതീശൻ കര്ശന നിര്ദേശം നല്കിയിട്ടുണ്ട്.
