ഇടുക്കി: അരിക്കൊമ്പനെ മാറ്റുന്ന കാര്യത്തിൽ ഇന്നു ചേരാനിരുന്ന വിദഗ്ധ സമിതി യോഗം മാറ്റിവെച്ചു. അസൗകര്യങ്ങളെ തുടർന്നാണ് യോഗം മാറ്റിവെച്ചതെന്ന് അധികൃതർ അറിയിച്ചു. അടുത്ത ദിവസം തന്നെ ഓൺലൈനായി യോഗം ചേരും. ഇടുക്കിയിലെ ചിന്നക്കനാലിൽ നിന്നും മയക്കു വെടിവെച്ച് പിടികൂടുന്ന അരിക്കൊമ്പനെ എവിടേക്ക് മാറ്റണമെന്ന കാര്യം ആലോചിക്കാൻ ഹൈക്കോടതി നിയോഗിച്ച വിദഗ്ധ സമിതിയുടെ യോഗമാണ് മാറ്റിയത്.
പറമ്പികുളത്തേക്ക് മാറ്റാനായിരുന്നു മുൻപ് വിദഗ്ധ സമിതി തീരുമാനിച്ചിരുന്നത്. എന്നാൽ പ്രതിഷേധം ശക്തമായതോടെ മറ്റേതെങ്കിലും സ്ഥലമുണ്ടെങ്കിൽ വിദഗ്ധസമിതിയെ അറിയിക്കാൻ സർക്കാരിന് കോടതി നിർദ്ദേശം നൽകുകയായിരുന്നു.
