തൃശൂർ: മരത്താക്കരയിൽ ഫർണിച്ചർ കടയിൽ വന് തീപിടിത്തം. ബുധനാഴ്ച പുലർച്ചെ 2 മണിയോടെയാണ് അപകടമുണ്ടായത്. 2 കോടിയോളം രൂപയുടെ നാശനഷ്ടമുണ്ടായതായാണ് കണക്ക്. കടയിലുണ്ടായിരുന്ന മുഴുവന് ഗൃഹോപകരണങ്ങളും പൂർണമായും കത്തിനശിച്ചു. കെട്ടിടത്തിനും നാശനഷ്ടമുണ്ടായിട്ടുണ്ട്.
2 മണിക്കൂറിലേറെ സമയത്തെ ശ്രമത്തിനൊടുവിൽ ഫയർഫോഴ്സിന്റെ 5 യൂണിറ്റുകൾ സ്ഥലത്തെത്തിയാണ് തീ നിയന്ത്രണ വിധേയമാക്കിയത്. ദേശീയപാതയോരത്ത് ഡീറ്റെയിൽ എന്ന സ്ഥാപനത്തിലാണ് തീപിടിത്തമുണ്ടായത്. സംഭവത്തിൽ അന്വേഷണം ആരംഭിച്ചു.
