വാൽപ്പാറ: കോയമ്പത്തൂരില്‍ നിന്ന് വാല്‍പ്പാറയിലേക്ക് വിനോദയാത്രക്കെത്തിയ അഞ്ച് കോളേജ് വിദ്യാർഥികൾ ഷോളയാര്‍ ചുങ്കം പുഴയില്‍ മുങ്ങി മരിച്ചു. കോയമ്പത്തൂര്‍ എസ്.എന്‍.വി. കോളേജിലെ ബിരുദ വിദ്യാർഥികളായ റാഫേല്‍ (19),ധനുഷ് (20),ശരത് (19),അജയ് (20),വിജയ്(20)എന്നിവരാണ് മരിച്ചത്. ഇവരുടെ മൃതദേഹം ഫയര്‍ഫോഴ്‌സെത്തിയാണ് മുങ്ങിയെടുത്തത്.
രാവിലെ അഞ്ച് മോട്ടോര്‍ ബൈക്കിലായി പത്ത് വിദ്യാർഥികളാണ് വാൽ‌പ്പാറയിലെത്തിയിരുന്നത്. വൈകിട്ടോടെ തിരിച്ച് പോകുന്ന വഴിയില്‍ പുഴയില്‍ കുളിക്കാനിറങ്ങിയപ്പോഴായിരുന്നു അപകടം. മൃതദേഹം വാല്‍പ്പാറ സര്‍ക്കാര്‍ ആശുപത്രി മോര്‍ച്ചറിയില്‍.
