ന്യൂഡല്ഹി: തനിക്കെതിരെയുള്ള പ്രതിഷേധത്തില് മുഖ്യമന്ത്രിക്കെതിരെയും എല്ഡിഎഫ് സര്ക്കാരിനെതിരെയും ആരോപണം ആവര്ത്തിച്ച് ഗവര്ണര് ആരിഫ് മുഹമ്മദ് ഖാന്. പ്രതിഷേധം മുഖ്യമന്ത്രി അറിഞ്ഞുകൊണ്ടുള്ള ഗൂഢാലോചനയാണെന്നും പൊലീസ് വാഹനത്തിലാണ് അക്രമികളെ കൊണ്ടുവന്നതും തിരിച്ച് കൊണ്ടുപോയതും പൊലീസ് വാഹനത്തിലാണെന്നും ഗവര്ണര് ആരോപിച്ചു.
തനിക്കെതിരെ ആക്രമസമരം നടത്തിയവര്ക്കെതിരെ എടുത്ത കേസുകള് പര്യാപ്തമല്ല. അക്രമികള്ക്കെതിരെ ഗുരുതര വകുപ്പുകള് പ്രകാരം കേസ് എടുക്കണമെന്ന് ഡിജിപിക്കും ചീഫ് സെക്രട്ടറിക്കും നിര്ദേശം നല്കിയിട്ടുണ്ട്. മുഖ്യമന്ത്രിയുടെ കാറിന് ഷൂ എറിഞ്ഞവർക്കെതിരെ ചുമത്തിയ വകുപ്പുകൾ ഏതാണെന്നും അദ്ദേഹം ചോദിച്ചു. മുഖ്യമന്ത്രിക്കെതിരെയുള്ള ആരോപണം ആവർത്തിക്കുകയാണ് ഗവര്ണര് ആരിഫ് മുഹമ്മദ് ഖാന്.
