തിരുവനന്തപുരം: സംസ്ഥാനത്ത് വെള്ളിയാഴ്ച വരെ ഉയർന്ന താപനില മുന്നറിയിപ്പ്. ജാഗ്രതയുടെ ഭാഗമായി കേന്ദ്ര കാലാവസ്ഥ വകുപ്പ് 12 ജില്ലകളിൽ യെലോ അലർട്ട് പ്രഖ്യാപിച്ചിട്ടുണ്ട്.
പാലക്കാട് ഉയർന്ന താപനില 41 ഡിഗ്രി സെൽഷ്യസും കൊല്ലം ജില്ലയില് 39°C വരെയും തൃശൂര്, കോഴിക്കോട്, പത്തനംതിട്ട, കോട്ടയം ജില്ലകളില് 38°C വരെയും കണ്ണൂര്, എറണാകുളം, ആലപ്പുഴ ജില്ലകളില് 37°C വരെയും തിരുവനന്തപുരം, മലപ്പുറം, കാസര്കോട് ജില്ലകളില് 36°C വരെയും ഈ ദിവസങ്ങളില് രേഖപ്പെടുത്താന് സാധ്യതയുണ്ട്.
സാധാരണയേക്കാള് രണ്ടു മുതല് നാലു ഡിഗ്രി വരെ അധിക ചൂടിന് സാധ്യതയുള്ളതിനാല് ജാഗ്രത പാലിക്കണമെന്നും കാലാവസ്ഥ വകുപ്പ് നിർദേശിക്കുന്നു. അതേ സമയം വേനല് ചൂടിന് ആശ്വാസമായി മഴ എത്തുമെന്നും പ്രവചനമുണ്ട്.