ഇടുക്കി: രാജാക്കാട് കുത്തുങ്കലിൽ വിനോദസഞ്ചാരികളുടെ വാന് മറഞ്ഞ് അപകടം. ഒരു കുട്ടിയുൾപ്പടെ 2 പേർ മരിച്ചു. തമിഴിനാട് സ്വദേശി റെജീന (35), സന (7) എന്നിവരാണ് മരിച്ചത്. അപകടത്തിൽ 15 ഓളം പേർക്ക് പരുക്കുണ്ട്. ഇവരെ സമീപത്തുള്ള ആശുപത്രിയിൽ പ്രവേശിപ്പിച്ചിരിക്കയാണ്. ഇവരിൽ 2 പേരുടെ നില ഗുരുതരമാണെന്നാണ് വിവരം.
ശനിയാഴ്ച രാവിലെ 9 മണിയേടെയാണ് അപകടമുണ്ടാവുന്നത്. തമിഴ്നാട്ടിനുള്ള വിനോദ സഞ്ചാരികളുടെ വാഹനമാണ് അപകടത്തിൽപ്പെട്ടത്. ശിവഗംഗയിൽ നിന്നുള്ള വിനോദസഞ്ചാരികളുടെ വാഹനമാണ് അപകടത്തിൽപെട്ടത്. വാഹനം അതിവേഗത്തിലായിരുന്നു എന്നാണ് നാട്ടുക്കർ പറയുന്നത്. പൊലീസ് സ്ഥലത്തെത്തി നടപടികൾ സ്വീകരിച്ചു.
