കോഴിക്കോട്: വാർത്താസമ്മേളന വേദിയിൽ സുധാകരൻ പ്രതിപക്ഷ നേതാവ് വിഡി സതീശനെതിരെ നടത്തിയ അസഭ്യ പരാമർശത്തിൽ വിശദീകരണവുമായി കെ.മുരളീധരൻ എംപി.
സാധാരണ തമിഴ്ഭാഷയിൽ പറയുന്ന ഒരു വാചകമാണത്. ആദ്യത്തെ വാചകം മാത്രമാണെങ്കിൽ മൈ ഡിയർ എന്നു വിശേഷിപ്പിക്കാം. സുധാകരൻ പറഞ്ഞതിനെ ആ രീതിയിൽ കണ്ടാൽ മതിയെന്നും പാർട്ടിയിലെ വഴക്കായി കണക്കാക്കേണ്ടതില്ലെന്നും മുരളീധരൻ വ്യക്തമാക്കി.
കഴിഞ്ഞ ദിവസം ആലപ്പുഴയിൽ സമരാഗ്നി പ്രക്ഷോഭയാത്രയുടെ ഭാഗമായി നടന്ന വാർത്തസമ്മേളനത്തിനു സുധാകരനെത്തി 10 മിനിറ്റിലേറെ കഴിഞ്ഞിട്ടും സതീശനെത്തിയിരുന്നില്ല. അടുത്തിരുന്ന ഡിസിസി പ്രസിഡന്‍റ് ബി.ബാബുപ്രസാദിനോട് ഇതുപറഞ്ഞ് അനിഷ്ടം പ്രകടിപ്പിക്കുമ്പോഴായിരുന്നു അസഭ്യപ്രയോഗം.
