തിരുവനന്തപുരം: കെ.സി. വേണുഗോപാലിന്റെ പരാതിയിൽ ശോഭാ സുരേന്ദ്രനെതിരേ മാനനഷ്ടക്കേസ് ഫയൽ ചെയ്തു. ക്രിമിനൽ കേസാണ് ഫയൽ ചെയ്തിരിക്കുന്നത്. കെ.സി വേണുഗോപാലിനായി മാത്യു കുഴൽനാടനാണ് ഹാജരായത്. രാജസ്ഥാനിലെ മന്ത്രിയുമായി ചേർന്ന് കെ.സി വേണുഗോപാലിന് ബിനാമി ഇടപാട് ഉണ്ടെന്നായിരുന്നു എന്ന ശോഭാ സുരേന്ദ്രന്റെ ആരോപണത്തിനെതിരേയാണ് കേസ്.
2004 ൽ രാജസ്ഥാനിലെ അന്നത്തെ ഖനിമന്ത്രി ശ്രീഷ്റാം ഓലെയുമായി ചേർന്ന് കരിമണൽ വ്യവസായികളിൽ നിന്ന് കോടിക്കണക്കിന് രൂപ കൈക്കൂലി വാങ്ങി എന്നായിരുന്നു ശോഭാ സുരേന്ദ്രന്റെ ആരോപണം. ആലപ്പുഴ ഒന്നാം ക്ലാസ് മാജിസ്ട്രേറ്റ് കോടതിയിലാണ് കെ.സി. വേണുഗോപാൽ പരാതി നൽകിയത്.
