പാ​ഠ​പു​സ്ത​ക​ത്തി​ൽ അ​ഴി​മ​തി; തട്ടിയെടുത്തത് 200 കോടി രൂപ

കൊ​ച്ചി: പാ​ഠ​പു​സ്ത​ക​ങ്ങ​ൾ അ​ച്ച​ടി​ക്കാ​ൻ ചു​മ​ത​ല​പ്പെ​ട്ട സ​ർ​ക്കാ​ർ സ്ഥാ​പ​ന​മാ​യ കാ​ക്ക​നാ​ട്ടെ കേ​ര​ള ബു​ക്സ് ആ​ൻ​ഡ് പ​ബ്ലി​ക്കേ​ഷ​ൻ​സ് സൊ​സൈ​റ്റി​യി​ൽ (കെ​ബി​പി​എ​സ്) (kerala books and publications kakkanad) 2016 മു​ത​ൽ 2023 വ​രെ കാ​ല​യ​ള​വി​ൽ അ​ച്ച​ടി​യ്ക്കു​ള്ള ക​ട​ലാ​സ് വാ​ങ്ങി​യ​തി​ൽ 200 കോ​ടി രൂ​പ​യു​ടെ അ​ഴി​മ​തി ന​ട​ന്ന​താ​യി ബി​ജെ​പി. ഈ ​കാ​ല​യ​ള​വി​ൽ ജി​എ​സ്എം ഗ്രേ​ഡി​ലു​ള്ള ക​ട​ലാ​സ് വാ​ങ്ങി​യ​തു​മാ​യി ബ​ന്ധ​പ്പെ​ട്ടു കെ​ബി​പി​എ​സി​ൽ നി​ന്നും വി​വ​രാ​വ​കാ​ശ നി​യ​മ​പ്ര​കാ​രം ല​ഭ്യ​മാ​യ രേ​ഖ​ക​ൾ പു​റ​ത്തു വി​ട്ടു​കൊ​ണ്ട് ബി​ജെ​പി സം​സ്ഥാ​ന ഉ​പാ​ധ്യ​ക്ഷ​ൻ‌ ബി. ​ഗോ​പാ​ല​കൃ​ഷ്ണ​നാ​ണ് വാ​ർ​ത്താ​സ​മ്മേ​ള​ന​ത്തി​ൽ ഗു​രു​ത​ര ആ​രോ​പ​ണ​ങ്ങ​ൾ ഉ​ന്ന​യി​ച്ച​ത്.

ബി​ജെ​പി (BJP) പ്ര​വ​ർ‌​ത്ത​ക​നാ​യ ച​ങ്ങ​നാ​ശേ​രി സ്വ​ദേ​ശി ര​തീ​ഷാ​ണ് ആ​ർ​റ്റി​ഐ ആ​ക്റ്റ് പ്ര​കാ​രം രേ​ഖ​ക​ൾ ശേ​ഖ​രി​ച്ച​ത്. ക്വ​ട്ടേ​ഷ​ൻ തു​ക​യേ​ക്കാ​ൾ ഉ‍യ​ർ​ന്ന വി​ല ന​ൽ​കി​യും ടെ​ണ്ട​ർ വി​ളി​ക്കാ​തെ​യും ക​ട​ലാ​സ് വാ​ങ്ങി​യ​താ​യി തെ​ളി​യി​ക്കു​ന്ന​താ​ണ് രേ​ഖ​ക​ൾ. മു​ഖ്യ​മ​ന്ത്രി​യു​ടെ ഓ​ഫി​സി​ന്‍റെ അ​റി​വോ​ടും സ​മ്മ​ത​ത്തോ​ടു​മാ​ണ് അ​ഴി​മ​തി​യും ക്ര​മ​ക്കേ​ടും ന​ട​ന്നി​രി​ക്കു​ന്ന​തെ​ന്നും കേ​ര​ള​ത്തി​ലെ 35 ല​ക്ഷം വി​ദ്യാ​ർ​ഥി​ക​ൾ​ക്ക് ആ​റ് കോ​ടി പാ​ഠ​പു​സ്ത​കം അ​ച്ച​ടി​ക്കു​ന്ന​തി​ന്‍റെ മ​റ​വി​ൽ ന​ട​ന്ന അ​ഴി​മ​തി വെ​ളി​ച്ച​ത്തു കൊ​ണ്ടു​വ​രാ​ൻ വി​ജി​ല​ൻ​സ് ഒ​ഴി​കെ ഏ​ത് ഏ​ജ​ൻ​സി​യേ​യും സ​മീ​പി​ക്കു​മെ​ന്നും അ​ദ്ദേ​ഹം പ​റ​ഞ്ഞു.

• 2016-17ൽ ​ക​ട​ലാ​സ് ന​ൽ​കാ​നു​ള്ള ടെ​ണ്ട​റി​ൽ എ​ട്ടു ക​മ്പ​നി​ക​ൾ പ​ങ്കെ​ടു​ത്തു. ഇ​വ​യി​ൽ ആ​ദി​ത്യ, ഡെ​ൽ​റ്റ, സ്ത്രീ​ശ​ക്തി എ​ന്നീ മൂ​ന്നു പേ​പ്പ​ർ​മി​ല്ലു​ക​ളി​ൽ നി​ന്നാ​ണു ക​ട​ലാ​സ് വാ​ങ്ങി​യ​ത്. സ്ത്രീ​ശ​ക്തി കി​ലോ​യ്ക്കു 49 രൂ​പ​യു​ടെ ക്വ​ട്ടേ​ഷ​ൻ ന​ൽ​കി​യ​പ്പോ​ൾ മ​റ്റു ര​ണ്ടു ക​മ്പ​നി​ക​ളും വി​ല ക്വാ​ട്ട് ചെ​യ്തി​ല്ല. ആ​ദി​ത്യ, ഡെ​ൽ​റ്റ മി​ല്ലു​ക​ളി​ൽ നി​ന്നു 52-53 രൂ​പ​യ്ക്ക് (കി​ലോ) കെ​ബി​പി​എ​സ് ക​ട​ലാ​സ് വാ​ങ്ങി​യ​താ​യി രേ​ഖ​ക​ളി​ൽ നി​ന്നു വ്യ​ക്ത​മാ​ണ്. സ്ത്രീ​ശ​ക്തി​യു​ടെ 49 രൂ​പ​യേ​ക്കാ​ൾ മൂ​ന്നു മു​ത​ൽ നാ​ലു രൂ​പ വ​രെ ഈ ​ക​മ്പ​നി​ക​ൾ​ക്ക് അ​ധി​കം ന​ൽ​കി​യ​പ്പോ​ൾ കി​ക്ക് ബാ​ക്കി​ന​ത്തി​ൽ മ​റി​ഞ്ഞ​തു കോ​ടി​ക​ൾ.

• ക്വ​ട്ടേ​ഷ​ൻ കി​ട്ടു​ന്ന സ്ഥാ​പ​ന​ങ്ങ​ൾ ക​ട​ലാ​സ് കാ​ക്ക​നാ​ട്ടെ കെ​ബി​പി​എ​സ് ആ​സ്ഥാ​ന​ത്ത് വാ​ഹ​ന​ത്തി​ൽ സൗ​ജ​ന്യ​മാ​യി എ​ത്തി​ച്ചു ന​ൽ​ക​ണ​മെ​ന്നാ​ണ് ക​രാ​ർ വ്യ​വ​സ്ഥ. എ​ന്നാ​ൽ 2016 മു​ത​ൽ 2023 വ​രെ കാ​ല​യ​ള​വി​ൽ ലോ​റി വാ​ട​ക​യി​ന​ത്തി​ൽ മാ​റി​യെ​ടു​ത്തി​രി​ക്കു​ന്ന​തു 10 കോ​ടി രൂ​പ​യാ​ണ്. ഈ​യി​ന​ത്തി​ലും വ​ലി​യ വെ​ട്ടി​പ്പു ന​ട​ന്ന​താ​യി​ട്ടാ​ണ് ആ​രോ​പ​ണം.

• പാ​ഠ​പു​സ്ത​ക അ​ച്ച​ടി​ക്ക​ല്ലാ​തെ, വാ​ണി​ജ്യ ആ​വ​ശ്യ​ങ്ങ​ൾ​ക്കും കെ​ബി​പി​എ​സ് ക​ട​ലാ​സ് വാ​ങ്ങാ​റു​ണ്ട്. 2016-17 കാ​ല​ഘ​ട്ട​ത്തി​ൽ ഇ​ങ്ങ​നെ വാ​ങ്ങി​യ 10 കോ​ടി​യു​ടെ ക​ട​ലാ​സ് പാ​ഠ​പു​സ്ത​ക അ​ച്ച​ടി​ക്കെ​ന്ന പേ​രി​ലാ​ണ് ഉ​ൾ​പ്പെ​ടു​ത്തി​യി​രി​ക്കു​ന്ന​ത്. ഇ​തും ക​മ്മി​ഷ​ൻ ത​ട്ടാ​നാ​ണെ​ന്നു സം​ശ​യി​ക്കു​ന്നു.

• 2017-18ൽ 1500 ​ട​ൺ അ​ച്ച​ടി ക​ട​ലാ​സ് ബാ​ക്കി​യി​രി​ക്കെ, അ​തു ക​ണ​ക്കി​ലെ​ടു​ക്കാ​തെ സ​ർ​ക്കാ​രി​നോ​ട് വീ​ണ്ടും 75 കോ​ടി രൂ​പ കൂ​ടി കെ​ബി​പി​എ​സ് ആ​വ​ശ്യ​പ്പെ​ട്ടു. ക്വാ​ട്ടേ​ഷ​ൻ എ​ടു​ത്ത ആ​ദി​ത്യ അ​ശ്വി​ൻ എ​ന്ന ക​മ്പ​നി​യ്ക്ക് അ​വ​ർ ക്വാ​ട്ട് ചെ​യ്ത 59.73 രൂ​പ​യേ​ക്കാ​ൾ അ​ധി​കം ന​ൽ​കി​യാ​ണ് ക​ട​ലാ​സ് വാ​ങ്ങി​യി​രി​ക്കു​ന്ന​ത്. ഇ​തി​ലും അ​ഴി​മ​തി മ​ണ​ക്കു​ന്ന​താ​യി ബി​ജെ​പി പ​റ​യു​ന്നു.

• 2019-20 ൽ ​ക​ട​ലാ​സ് ന​ൽ​കാ​നു​ള്ള ടെ​ണ്ട​റി​ൽ ആ​രും പ​ങ്കെ​ടു​ത്തി​ല്ലെ​ന്നു സ​ർ​ക്കാ​രി​നെ തെ​റ്റി​ദ്ധ​രി​പ്പി​ച്ചു ടെ​ണ്ട​ർ ഇ​ല്ലാ​തെ ത​ന്നെ ക​ട​ലാ​സ് വാ​ങ്ങാ​ൻ അ​നു​മ​തി നേ​ടി. ഈ ​കാ​ല​യ​ള​വി​ൽ 86.63 കോ​ടി രൂ​പ​യു​ടെ ക​ട​ലാ​സാ​ണ് വാ​ങ്ങി​യ​ത് (11,000 ട​ൺ). കി​ലോ​യ്ക്ക് 76.30 രൂ​പ​യാ​ണു കെ​ബി​പി​എ​സ് ന​ൽ​കി​യ​ത്. യ​ഥാ​ർ​ഥ വി​ല 54 രൂ​പ​യാ​യി​രി​ക്കെ​യാ​ണ് 22 രൂ​പ അ​ധി​കം ന​ൽ​കി​യ​ത്.

• 2020-21 ൽ 86.2 ​കോ​ടി രൂ​പ​യു​ടെ ക​ട​ലാ​സ് വാ​ങ്ങി​യ​താ​യി സ​ർ​ക്കാ​രി​ന് സ​മ​ർ​പ്പി​ച്ച ഇ​ൻ​വോ​യ്സി​ൽ കാ​ണി​ച്ചി​രി​ക്കു​ന്നു. കൊ​വി​ഡ് കാ​ല​മാ​യ​തി​നാ​ൽ യ​ഥാ​ർ​ഥ​ത്തി​ൽ 33 കോ​ടി രൂ​പ​യു​ടെ ക​ട​ലാ​സ് മാ​ത്ര​മാ​ണ് വാ​ങ്ങി​യ​ത്. കി​ലോ​യ്ക്കു 55 രൂ​പ​യ്ക്കു ക​ട​ലാ​സ് ല​ഭ്യ​മാ​ണെ​ന്നി​രി​ക്കെ, 78.50 രൂ​പ​യ്ക്ക‌ു 9000 ട​ൺ വാ​ങ്ങി​യ​താ​യി​ട്ടാ​ണ് രേ​ഖ​ക​ൾ.