പകുതിയിലേറെ ജില്ലകളിൽ യുവി ഇൻഡക്സ് അപകടകരമായ നിലയിൽ; ജാഗ്രത നിർദേശം
തിരുവനന്തപുരം: ശക്തമായ ചൂടിന് പുറമേ അന്തരീക്ഷത്തിൽ അൾട്രാ വയലറ്റ് (UV) കിരണങ്ങളുടെ തോത് ഉയരുന്നതായി റിപ്പോർട്ടുകൾ. കൊല്ലം, ഇടുക്കി ജില്ലകളിൽ കഴിഞ്ഞ 24 മണിക്കൂറിനിടെ യുവി ഇൻഡക്സ് 7 ആണ് രേഖപ്പെടുത്തിയത്.
പത്തനംതിട്ട, ആലപ്പുഴ, കോട്ടയം ജില്ലകളിൽ 6 ഉം എറണാകുളം, തൃശൂർ, പാലക്കാട് ജില്ലകളിൽ 5 മാണ് യുവി ഇൻഡക്സ് രേഖപ്പെടുത്തിയിരിക്കുന്നത്. യുവി ഇൻഡക്സ് 5 ന് മുകളിൽ പോയാലത് അപകടകരമാണെന്നാണ് സംസ്ഥാന ദുരന്ത നിവാരണ അഥോറിറ്റിയുടെ കണക്കുകൾ.
