ശക്തമായ മഴയ്ക്ക് സാധ‍്യത; സംസ്ഥാനത്ത് മൂന്നു ജില്ലകളിൽ ഓറഞ്ച് അലർട്ട്
തിരുവനന്തപുരം: സംസ്ഥാനത്ത് തിങ്കളാഴ്ച ശക്തമായ മഴയ്ക്ക് സാധ‍്യതയെന്ന് കേന്ദ്ര കാലാവസ്ഥാ വകുപ്പ്. ഇതേത്തുടർന്ന് വിവിധ ജില്ലകളിൽ ഓറഞ്ച് അലർട്ടും യെലോ അലർട്ടും പ്രഖ‍്യാപിച്ചു.
കണ്ണൂർ കോഴിക്കോട്, കാസർഗോഡ് ജില്ലകളിൽ ഓറഞ്ച് അലർട്ടും എറണാകുളം, വയനാട്, തൃശൂർ, പാലക്കാട്, ഇടുക്കി എന്നീ ജില്ലകളിൽ യെലോ അലർട്ടുമാണ് പ്രഖ‍്യാപിച്ചിരിക്കുന്നത്. കേരള തീരത്ത് മത്സ‍്യബന്ധനത്തിനും വിലക്കേർപ്പെടുത്തിയിട്ടുണ്ട്.
