തിരുവനന്തപുരം: വിവിധ ആവശ്യങ്ങളുന്നയിച്ച് കെഎസ്ആർടിസി സമരത്തിലേക്ക്. തിങ്കളാഴ്ച അർധരാത്രി മുതൽ ഐഎൻടിയുസി യൂണിയനുകളശുടെ കൂട്ടായ്മായായ ട്രാന്സ്പോര്ട്ട് ഡെമോക്രാറ്റിക് ഫെഡറേഷനാണ് പണിമുടക്ക് പ്രഖ്യാപിച്ചിരിക്കുന്നത്. പണിമുടക്ക് ഒഴിവാക്കാന് കെഎസ്ആർടി സി, സിഎംഡി പ്രമോജ് ശങ്കര് സംഘടന നേതാക്കളുമായി ചര്ച്ച നടത്തിയിരുന്നു. എന്നാല് പ്രശ്നങ്ങള്ക്ക് പരിഹാരം കാണാതെ പണിമുടക്കില്നിന്നും പിന്മാറില്ലെന്ന് സംഘടന അറിയിക്കുകയായിരുന്നു.
ശമ്പളവും പെൻഷനും എല്ലാമാസവും ഒന്നാം തീയതി വിതരണം ചെയ്യുക, ഡിഎ കുടിശിക പൂർണമായും അനുവദിക്കുക, ശമ്പള പരിഷ്ക്കരണ കരാറിന്റെ സര്ക്കാര് ഉത്തരവ് ഇറക്കുക, കാലാവധി കഴിഞ്ഞ ഹിത പരിശോധന നടത്തുക, ഡ്രൈവര്മാരുടെ സ്പെഷ്യല് അലവന്സ് കൃത്യമായി നല്കുക, കെഎസ്ആർടിസി വേണ്ടി പുതിയ ബസുകള് വാങ്ങുക, മെക്കാനിക്കല് വിഭാഗത്തിനെതിരെയുള്ള പീഡനം അവസാനിപ്പിക്കുക, സ്വിഫ്റ്റ് കമ്പനി കെഎസ്ആർടിസിയില് ലയിപ്പിക്കുക, കാറ്റഗറി വ്യത്യാസം ഇല്ലാതെ ഡ്യൂട്ടി സറണ്ടര് അനുവദിക്കുക, ദേശസാല്കൃത റൂട്ടുകളുടെ സ്വകാര്യവല്ക്കരണം അവസാനിപ്പിക്കുക, എന് പി എസ്, എന് ഡി ആര് നാളിതുവരെയുള്ള കുടിശിക അടച്ചു തീര്ക്കുകയും പിടിക്കുന്ന തുക അതാതു മാസം അടയ്ക്കുകയും ചെയ്യുക, അഴിമതികള് വിജിലന്സ് അന്വേഷിക്കുക തുടങ്ങിയ ആവശ്യങ്ങള് ഉന്നയിച്ചുകൊണ്ടാണ് പണിമുടക്ക്
