തിരുവനന്തപുരം: ഓണം അടക്കമുള്ള ഉത്സവ സീസണിൽ ടിക്കറ്റ് നിരക്കിൽ വർധന നടപ്പാക്കാൻ കെഎസ്ആർടിസി. അന്തർ സംസ്ഥാന സർവീസുകളിലാണ് ഓണത്തിന് ടിക്കറ്റ് നിരക്ക് വർധിപ്പിക്കുക. 30 ശതമാനം വരെയാവും വർധന.
ഓഗസ്റ്റ്, സെപ്ടംബർ, ഒക്‌ടോബർ മാസങ്ങളിലാണ് നിരക്കിൽ മാറ്റമുണ്ടാവുക. എക്സ്പ്രസ് മുതൽ മുകളിലേക്കുള്ള ബസുകളിലാണ് നിരക്ക് ഉയർത്തുക.
സിംഗിൽ ബർത്ത് ടിക്കറ്റുകളുടെ നിരക്ക് 5 ശതമാനം വരെ വർധിപ്പിക്കും. ഉത്സവ ദിവസങ്ങളല്ലാത്ത സമയത്ത് 15 ശതമാനം നിരക്ക് കുറയ്ക്കുമെന്നുമാണ് സൂചന.
