തിരുവനന്തപുരം: കേരളത്തിൽ കാലവർഷം ജൂൺ നാലിന് എത്തിച്ചേരുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം. നാലു ദിവസം മുന്നോട്ടോ പിന്നാട്ടോ മാറ്റമുണ്ടാവാനുള്ള സാധ്യതയും പ്രവചിക്കുന്നുണ്ട്. കഴിഞ്ഞ വർഷം മേയിൽ തന്നെ കാലവർഷം ശക്തിപ്പെട്ടിരുന്നു.
അതേസമയം, മേയ് 20 വരെ കേരളത്തിൽ ഇടിമിന്നലോടുകൂടിയ ഒറ്റപ്പെട്ട മഴയ്ക്കുള്ള സാധ്യതയും പ്രവചിക്കുന്നുണ്ട്. ഇടിമിന്നലോടുകൂടിയ മഴയായതിനാൽ മുൻകരുതലുകൾ സ്വീകരിക്കണമെന്നും കാലാവസ്ഥ വകുപ്പ് നിർദേശിക്കുന്നു.
