തിരുവനന്തപുരം: എസ്.എസ്.എൽ.സി, ഹയർസെക്കന്ഡറി വിദ്യാർത്ഥികൾക്കുള്ള ഗ്രേസ് മാർക്കിൽ വ്യക്തത വരുത്തി വിദ്യാഭ്യാസ വകുപ്പിന്റെ ഉത്തരവിറങ്ങി. പരമാവധി ഗ്രേസ് മാർക്ക് 30 ആയി നിജപ്പെടുത്തിയാണ് ഉത്തരവിറങ്ങിയത്.
അന്താരാഷ്ട്ര തലത്തിൽ സ്പോർട്സ് വിജയികൾക്ക് 30 മാർക്ക്, ദേശീയ തലത്തിൽ മെഡൽ ജേതാക്കൾക്ക് 25 മാർക്ക്, സംസ്ഥാന തലത്തിൽ ഒന്നാം സ്ഥാനക്കാർക്ക് 20 മാർക്കാണ് ലഭിക്കുക.
കലോത്സവ ശാസ്ത്രമേളയിലെ എ ഗ്രേഡുകാർക്ക് 20 മാർക്ക്, ബി ഗ്രേഡുകാർക്ക് 15 മാർക്ക്, സി ഗ്രേഡുകാർക്ക് 10 മാർക്കും ലഭിക്കും. എന്എസ്എസ് നാഷ്ണൽ ക്യാമ്പ് അംഗങ്ങൾക്ക് 25 മാർക്ക് നൽകും. സ്കൗട് ആന്റ് ഗൈഡ്സ് രാഷ്ത്രപതി അവാർഡ് ജേതാക്കൾക്ക് 25 മാർക്കും നൽകും.