തിരുവനന്തപുരം: തൃപ്പൂണിത്തുറ തിരുവാണിയൂര് സ്വകാര്യ സ്കൂളിലെ വിദ്യാര്ഥി മിഹിര് അഹമ്മദിന്റെ മരണത്തിൽ സമഗ്രമായ അന്വേഷണം ആവശ്യപ്പെട്ട് യുഡിഎഫ് കൺവീനർ എം.എം. ഹസൻ മുഖ്യമന്ത്രിക്ക് കത്ത് നൽകി.
സഹപാഠികളുടെ ക്രൂരമായ റാഗിങ്ങിനെ തുടര്ന്നാണ് മകൻ മരിച്ചതെന്ന് അവരുടെ വീട് സന്ദർശിച്ചപ്പോൾ മാതാപിതാക്കൾ തന്നോട് നേരിട്ട് പരാതി പറഞ്ഞിട്ടുണ്ട്. ഇത്തരത്തിലുള്ള ക്രൂരമായ റാഗിങ് ഒരു വിദ്യാഭ്യാസ സ്ഥാപനങ്ങളിലും ഉണ്ടാകാതിരിക്കാൻ ഉള്ള മാതൃകാപരമായ നടപടികൾ ഉണ്ടാകണം. കർശന നടപടിയെടുക്കാൻ വിദ്യാഭ്യാസ ആഭ്യന്തര വകുപ്പുകൾക്ക് നിർദേശം നൽകണമെന്നും ഹസൻ കത്തിൽ ആവശ്യപ്പെട്ടു.
