നെടുമ്പാശേരി വിമാനത്താവളത്തിൽ നാലു കോടിയുടെ ലഹരി വസ്തു പിടികൂടി

കൊച്ചി: നെടുമ്പാശേരി വിമാനത്താവളത്തിൽ നാല് കോടി രൂപയുടെ ലഹരി വസ്തു പിടികൂടി. നാല് കിലോ മെതാക്വലോൺ ആണ് പിടിച്ചെടുത്തത്. കൊച്ചി-ഡൽഹി വിമാനത്തിലെ യാത്രക്കാരിയാണ് പിടിയിലായത്. ആഫ്രിക്കയിലെ ടോഗോ സ്വദേശിനി ലാതി ഫാറ്റോ ഔറോ(44) ആണ് കസ്റ്റംസ് പിടികൂടിയത്.

ദോഹയിൽ നിന്ന് കൊച്ചി-ഡൽഹി വിമാനത്തിലെത്തിയതായിരുന്നു യുവതി. ബാഗിനും ദേഹത്തുമായി ഒളിപ്പിച്ച നിലയിലായിരുന്നു ലഹരി വസ്തു.

യുവതിക്കെതിരേ കേസും രജിസ്റ്റർ ചെയ്തു. കസ്റ്റഡിയിലുള്ള യുവതിയെ വിശദമായ ചോദ്യം ചെയ്യലിന് ശേഷം കോടതിയിൽ ഹാജരാക്കും.