തെക്കൻ കേരള തീരത്തിന് സമീപത്ത് ചക്രവാത ചുഴി
തിരുവനന്തപുരം: തെക്കൻ കേരളത്തിൽ മഴയ്ക്ക് സാധ്യത. തെക്കൻ കേരള തീരത്തിന് സമീപത്തായി ചക്രവാതച്ചുഴി രൂപപ്പെട്ടു. ഈ സാഹചര്യത്തിൽ തെക്കൻ ജില്ലകളിൽ തിങ്കളാഴ്ച രാത്രിയോടെ ഇടി മിന്നലിനും മഴയ്ക്കും സാധ്യതയുണ്ട്.
മധ്യ-തെക്കൻ ജില്ലകളിൽ പൊതുവെ മൂടിയ അന്തരീക്ഷമായിരിക്കുമെന്നും കാലാവസ്ഥാ നിരീക്ഷണകേന്ദ്രം അറിയിച്ചു.
അതേസമയം, തിരുവനന്തപുരം, കൊല്ലം, ആലപ്പുഴ ജില്ലകളിൽ കാലാവസ്ഥാ വകുപ്പ് തിങ്കളാഴ്ച അലർട്ട് പ്രഖ്യാപിച്ചിട്ടുണ്ട്. തിരുവനന്തപുരം, ഇടുക്കി, എറണാകുളം ജില്ലകളിലും ചൊവ്വാഴ്ച യെല്ലോ അലർട്ടായിരിക്കും.
