തിരുവനന്തപുരം: പുതുവത്സരത്തിന് കേരളത്തിൽ റെക്കോർഡ് മദ്യവിൽപ്പന. പുതുവത്സര തലേന്നായ ചൊവ്വാഴ്ച 108 കോടിയുടെ മദ്യമാണ് വിറ്റത്. കഴിഞ്ഞ വർഷം ഇത് 94.77 കോടിയായിരുന്നു. അതായത് കഴിഞ്ഞ വർഷത്തേക്കാൾ 13 കോടിയുടെ അധികം വര്‍ധന.
ഏറ്റവും കൂടുതല്‍ മദ്യം വിറ്റത് കൊച്ചി രവിപുരം ഔട്ട്‌ലെറ്റിലാണ്. 92.31 ലക്ഷം രൂപയുടെ മദ്യം പുതുവത്സരത്തലേന്ന് വിറ്റാണ് ഒന്നാം സ്ഥാനത്തെത്തിയത്. രണ്ടാം സ്ഥാനത്തുള്ള തിരുവനന്തപുരം പവര്‍ഹൗസ് റോഡിലെ ഔട്ട്‌ലെറ്റില്‍ 86.65 ലക്ഷം രൂപയുടെ മദ്യം വില്‍പ്പന നടത്തി. മൂന്നാം സ്ഥാനം കൊച്ചി കടവന്ത്ര ഔട്ട്‌ലെറ്റിനാണ്. 79.09 ലക്ഷം രൂപയുടെ മദ്യമാണ് കടവന്ത്രയില്‍ വിറ്റത്.
ഈ ക്രിസ്മസ്-പുതുവത്സര സീസണിലും റെക്കോർഡ് വിൽപ്പനയാണ് ഉണ്ടായത്. ആകെ വിറ്റത് 712.05 കോടിയുടെ മദ്യമാണ്. കഴിഞ്ഞ വര്‍ഷം ക്രിസ്മസ്-പുതുവത്സര സീസണില്‍ 697.05 കോടിയുടെ മദ്യമാണ് വിറ്റത്. 2.28 കോടിയുടെ അധിക വില്‍പ്പനയാണ് ഇത്തവണയുണ്ടായത്.
