കുട്ടിക്കാനത്ത് പത്രവണ്ടി കൊക്കയിലേക്ക് മറിഞ്ഞു
ഇടുക്കി: കുട്ടിക്കാനത്ത് പത്രവണ്ടി കൊക്കയിലേക്ക് മറിഞ്ഞ് അപകടം. ഡ്രൈവർ കുട്ടിക്കാനം സ്വദേശി കൊച്ചുമോൻ പരുക്കുകളോടെ രക്ഷപ്പെട്ടു. വ്യാഴാഴ്ച പുലർച്ചെ ഒന്നരയോടെയായിരുന്നു അപകടം.
മൂന്നുമണിക്കൂർ നീണ്ട തെരച്ചിലിനൊടുവിലാണ് വാഹനം കൊക്കയിൽ കിടക്കുന്നത് കണ്ടത്. പൊലീസും അഗ്നിരക്ഷാസേനയും ചേർന്നാണ് പരുക്കേറ്റയാളെ രക്ഷപ്പെടുത്തിയത്. പരുക്കേറ്റ കൊച്ചുമോനെ മുണ്ടക്കയത്തെ സ്വകാര്യ ആശുപത്രിയിൽ പ്രവേശിപ്പിച്ചു
