മലപ്പുറത്ത് ദേശീയപാത ഇടിഞ്ഞ് അപകടം; 3 കാറുകൾ തകർന്നു

മലപ്പുറം: മലപ്പുറത്ത് നിർമാണം നടന്നുകൊണ്ടിരിക്കുന്ന ദേശീയപാത 66ലെ ആറുവരിപ്പാത ഇടിഞ്ഞു വീണ് മൂന്ന് കാറുകൾ തകർന്നു. കോഴിക്കോട് തൃശൂർ ദേശീയപാതയിലായിരുന്നു അപകടമുണ്ടായത്.

കൂരിയാട് സർവീസ് സ്റ്റേഷന് സമീപത്ത് വച്ചായിരുന്നു ദേശീയപാതയുടെ ഒരുഭാഗം സർവീസ് റോഡിലേക്ക് ഇടിഞ്ഞു വീണത്.

രണ്ടു വാഹനങ്ങളുടെ മുകളിലേക്ക് കല്ലും മണ്ണും വീണതോടെ കാർ പൂർണമായും തകർന്നു. കൊളപ്പുറം കൊക്കാട് വഴി കോഴിക്കോട് നിന്നും തൃശൂർ ഭാഗത്തേക്കുള്ള ഗതാഗതം പൂർണമായും തടസപ്പെട്ടു. പൊലീസും ഫ‍യർഫോഴ്സും സ്ഥലത്തെത്തി ചേർന്നിട്ടുണ്ട്. അപകടത്തിൽ ആളപായം ഇതുവരെ റിപ്പോർട്ട് ചെയ്തിട്ടില്ല.