മലപ്പുറം: നിലമ്പൂർ ചുങ്കത്തറയിൽ പിക്കപ്പ് ജീപ്പും ബൈക്കും കൂട്ടിയിടിച്ച് 2 വിദ്യാർഥികൾ മരിച്ചു. ബൈക്ക് യാത്രികരായ പാതിരിപ്പാടം സ്വദേശി യദുകൃഷ്ണന് (16), ഉപ്പട ആനക്കല്ല് സ്വദേശി ഷിബില് രാജ് (16) എന്നിവരാണ് മരിച്ചത്.
ഇരുവരും ചുങ്കുത്തറ മാർത്തോമ സ്കൂളിലെ 9-ാം ക്ലാസ് വിദ്യാർത്ഥികളാണ്. മൃതദേഹങ്ങള് നിലമ്പൂര് സര്ക്കാര് ആശുപത്രിയില് സൂക്ഷിച്ചിരിക്കുകയാണ്. 2 വാഹനങ്ങളും അമിത വേഗത്തിലായിരുന്നു എന്നാണ് ദൃക്സാക്ഷികൾ പറയുന്നത്.
പ്രായപൂർത്തിയാകാത്തവരും ലൈസൻസ് എടുക്കാൻ പ്രായമായിട്ടില്ലാത്തവരുമായ വിദ്യാർഥികൾക്ക് എങ്ങനെ ബൈക്ക് ലഭിച്ചു എന്ന് പൊലീസ് അന്വേഷിക്കുന്നു. ഇവർക്ക് ബൈക്ക് വാടകയ്ക്കു നൽകിയ ആൾ ഒളിവിൽ പോയെന്നാണ് വിവരം.
