സർവകലാശാല സമരം; എസ്എഫ്ഐ സംസ്ഥാന സെക്രട്ടറി അടക്കമുള്ളവർക്കെതിരേ ജാമ‍്യമില്ലാ കേസ്
തിരുവനന്തപുരം: സർവകലാശാല സമരത്തിൽ എസ്എഫ്ഐ സംസ്ഥാന സെക്രട്ടറി അടക്കമുള്ളലവർക്കെതിരേ പൊലീസ് കേസെടുത്തു. സംസ്ഥാന സെക്രട്ടറി അടക്കമുള്ള 27 പേർക്കെതിരേയാണ് ജാമ‍്യമില്ലാ വകുപ്പ് ചുമത്തി പൊലീസ് കേസെടുത്തിരിക്കുന്നത്.
സിറ്റി പൊലീസ് കമ്മിഷണറുടെ നിർദേശത്തെത്തുടർന്നാണ് നടപടി. സമരത്തിനിടെ 10,000 രൂപയുടെ നാശനഷ്ടവും 5 പൊലീസ് ഉദ‍്യോഗസ്ഥർക്ക് പരുക്കേറ്റതായും അധികൃതർ വ‍്യക്തമാക്കി. അതേസമയം വനിതാ പ്രവർത്തകയായ പ്രതികളിലൊരാളെ നോട്ടീസ് നൽകി വിട്ടയക്കും.
