തിരുവനന്തപുരം മെഡിക്കൽ കോളെജ്
തിരുവനന്തപുരം മെഡിക്കൽ കോളെജിൽ ഓക്സിജൻ സിലിണ്ടർ മാറ്റി ഘടിപ്പിക്കുന്നതിനിടെയുണ്ടായ അപകടത്തിൽ വനിതാ അറ്റൻഡർക്ക് പരുക്കേറ്റു. ഓക്സിജൻ സിലിണ്ടർ മാറ്റി ഘടിപ്പിക്കുന്നതിനിടെ ഫ്ലോമീറ്റർ പൊട്ടിത്തെറിക്കുകയായിരുന്നുവെന്നാണ് പുറത്തു വരുന്ന വിവരം.
വെള്ളിയാഴ്ച പുലർച്ചെയോടെയാണ് അപകടമുണ്ടായത്. നെറ്റിയിൽ പരുക്കേറ്റ അറ്റൻഡറെ ട്രോമ ഐസിയുവിലേക്ക് മാറ്റി. ഇവരുടെ പരുക്ക് ഗുരുതരമാണെന്നാണ് വിവരം.
