ഡോ. എസ്.ചിത്ര - പാലക്കാട് ജില്ലാ കലക്റ്റര്
Kerala
തെരഞ്ഞെടുപ്പ് കമ്മീഷന് റിപ്പോര്ട്ട് നല്കിയിട്ടില്ല, വാര്ത്ത വസ്തുതാ വിരുദ്ധം; പാലക്കാട് ജില്ലാ കലക്റ്റര്
റെയ്ഡുമായി ബന്ധപ്പെട്ട് കമ്മീഷന് റിപ്പോര്ട്ട് ആവശ്യപ്പെടുകയോ ജില്ലാ കലക്റ്റര് രേഖാ മൂലം റിപ്പോര്ട്ട് നല്കുകയോ ചെയ്തിട്ടില്ല
പാലക്കാട്: നവംബര് 6ന് ഹോട്ടല് റൂമിൽ നടന്ന പൊലീസ് പരിശോധനയുമായി ബന്ധപ്പെട്ട് തെരഞ്ഞെടുപ്പ് കമ്മീഷന് റിപ്പോര്ട്ട് നല്കിയതായുള്ള വാര്ത്ത വസ്തുതാ വിരുദ്ധമാണെന്ന് പാലക്കാട് ജില്ലാ കലക്റ്റര് ഡോ. എസ്.ചിത്ര.
ഈ വിഷയവുമായി ബന്ധപ്പെട്ട് കമ്മീഷന് റിപ്പോര്ട്ട് ആവശ്യപ്പെടുകയോ ജില്ലാ കലക്റ്റര് രേഖാ മൂലം റിപ്പോര്ട്ട് നല്കുകയോ ചെയ്തിട്ടില്ല .വിഷയവുമായി ബന്ധപ്പെട്ട പരാതി അന്വേഷണത്തിനും റിപ്പോര്ട്ടിനുമായി പൊലീസിന് കൈമാറിയിട്ടുണ്ട്. തെരഞ്ഞെടുപ്പ് കമ്മീഷന് റിപ്പോര്ട്ട് ആവശ്യപ്പെട്ടാല് വിശദമായ റിപ്പോര്ട്ട് നല്കുമെന്നും ജില്ലാ കലക്റ്റര് അറിയിച്ചു.
