പാലക്കാട്ട് മകനെയും കൊണ്ട് അമ്മ കിണറ്റിൽ ചാടി; കുട്ടി മരിച്ചു

പാലക്കാട്: പാലക്കാട്ട് മകനെയും കൊണ്ട് കിണറ്റിൽ ചാടി അമ്മ. രണ്ടര വയസുകാരനായ മകൻ ചികിത്സയിലിരിക്കെ മരിച്ചു. പാലക്കാട് തച്ചനാട്ടുകര സ്വദേശി കാഞ്ചന‍ രണ്ടര വയസുകാരനായ വേദിക് എന്ന കാശിയെയും കൊണ്ട് കിണറ്റിൽ ചാടുകയായിരുന്നു. വെള്ളിയാഴ്ച രാത്രിയായിരുന്നു സംഭവം.

കുടുംബപ്രശ്നങ്ങളാണ് ആത്മഹത്യാ ശ്രമത്തിനു പിന്നിലെന്നാണ് വിവരം. രക്ഷാപ്രവർത്തനത്തിലൂടെ ഇരുവരെയും പുറത്തെത്തിച്ചെങ്കിലും ശനിയാഴ്ചയോടെ കുട്ടി മരിക്കുകയായിരുന്നു. കാഞ്ചന ആശുപത്രിയിൽ ചികിത്സയിലാണ്.