പത്തനംതിട്ട: പന്തളം രാജകുടുംബാംഗമായ ചോതിനാൾ അംബിക തമ്പുരാട്ടി (നന്ദിനി-76) അന്തരിച്ചു. കൈപ്പുഴ തെക്കേമുറി കൊട്ടാരത്തിൽ മൂലംനാൾ ലക്ഷ്മി തമ്പുരാട്ടിയുടെയും കടിയക്കോൽ ശങ്കരനാരായണൻ നമ്പൂതിരിയുടെയും മകളാണ്. മാവേലിക്കര ഗ്രാമത്തിൽ കൊട്ടാരത്തിൽ നന്ദകുമാർ വർമയാണ് ഭർത്താവ്. മകൾ അംബിക വർമ.
ഇതേ തുടർന്ന് പന്തളം ക്ഷേത്രം 11 ദിവസത്തേക്ക് അടച്ചിടും. തുടർന്ന് ജനുവരി 17ന് ശുദ്ധിക്രിയകൾക്ക് ശേഷം ആയിരിക്കും നട തുറക്കുക. അതുവരെ ഘോഷയാത്രയിലെ തിരുവാഭരണ ദർശനം ഉണ്ടായിരിക്കുന്നതല്ല.
അതേസമയം തിരുവാഭരണ ഘോഷയാത്രയ്ക്ക് മുടക്കം ഉണ്ടാവില്ല. എന്നാൽ രാജപ്രതിനിധി ഘോഷയാത്രയെ അനുഗമിക്കില്ല.
