പത്തനംതിട്ട ഡിസിസി വൈസ് പ്രസിഡന്‍റ് അന്തരിച്ചു

പത്തനംതിട്ട: പത്തനംതിട്ട ഡിസിസി വൈസ് പ്രസിഡന്‍റ് എം.ജി. കണ്ണൻ (42) അന്തരിച്ചു. പക്ഷാഘാതത്തെ തുടർന്ന് പരുമലയിലെ സ്വകാര്യ ആശുപത്രി‍യിൽ ചികിത്സയിലിരിക്കെയാണ് അന്ത്യം.

കഴിഞ്ഞ നിയമസഭ തെരഞ്ഞെടുപ്പിൽ അടൂർ നിയോജക മണ്ഡലത്തിലെ യുഡിഎഫ് സ്ഥാനാർഥിയായിരുന്നു. രണ്ടു തവണ ജില്ലാ പഞ്ചായത്ത് അംഗവും ചെന്നീർക്കര ഗ്രാമപഞ്ചായത്ത് അംഗവുമായി.

യൂത്ത് കോൺഗ്രസ് മുൻ ജില്ലാ പ്രസിഡന്‍റാണ്. ചെന്നീർക്കര മാത്തൂർ സ്വദേശിയാണ്. സംസ്കാരം തിങ്കളാഴ്ച വൈകിട്ട് നടക്കും.