ലേഡീസ് ഹോസ്റ്റലിനുള്ളിൽ അതിക്രമിച്ച് കയറി; പ്രതി പൊലീസ് പിടിയിൽ

ഇടുക്കി: തൊടുപുഴയിൽ ലേഡീസ് ഹോസ്റ്റലിനുള്ളിൽ വനിതകളെ ഉപദ്രവിക്കാൻ ശ്രമിച്ച പ്രതി പൊലീസ് പിടിയിൽ. അറക്കുളം സ്വദേശി അഖിൽ.പി. രഘുവാണ് പിടിയിലായത്. തൊടുപുഴയിലെ ലേഡീസ് ഹോസ്റ്റലിന്‍റെ മതിൽ ചാടി കടക്കുന്ന ദൃശ്യങ്ങളും ലഭ്യമായിട്ടുണ്ട്.

ഹോസ്റ്റലിനുള്ളിൽ കടന്ന ഇയാളെ അന്തേവാസികൾ കണ്ടതിനെ തുടർന്ന് പെൺകുട്ടികൾ ബഹളം വെയ്ക്കുകയായിരുന്നു.

തുടർന്ന് നടന്ന തെരച്ചിലിൽ ഇയാളെ കണ്ടെത്തുകയും പൊലീസ് പിടികൂടുകയായിരുന്നു. ഇതിന് മുൻപും ഇയാൾ വനിതകൾ താമസിക്കുന്ന സ്ഥലത്ത് അതിക്രമിച്ച് കയറിയിരുന്നു.