തൃശൂർ: തൃശൂരിലെ കോൺഗ്രസ് സ്ഥാനാർഥി കെ. മുരളീധരന്‍റെ തോൽവിക്ക് കാരണം പൂരം വിവാദമല്ലെന്ന് കെപിസിസി ഉപസമിതി റിപ്പോർട്ട്. ലോക്സഭാ തോൽവിയെക്കുറിച്ച് പഠിക്കാൻ കെപിസിസി നിയോഗിച്ച സമിതിയാണ് റിപ്പോർട്ട് സമർപ്പിച്ചത്. പൂരം വിവാദത്തിനു പിന്നാൽ സിപിഎം-ബിജെപി അന്തർധാരയെന്നും റിപ്പോർട്ടിൽ പറയുന്നു.
അതേസമയം, കെപിസിസി ഉപസമിതിയുടെ റിപ്പോർട്ട് സ്വാഗതം ചെയ്യുന്നതായി ബിജെപി നേതാവ് ബി. ഗോപാലകൃഷ്ണൻ പറഞ്ഞു. എന്നാൽ ഈ റിപ്പോർട്ട് വി.ഡി. സതീശൻ അംഗീകരിക്കില്ലെന്നും ഈ റിപ്പോർട്ട് അംഗീകരിക്കുകയാണെങ്കിൽ പൂരം കലക്കിയാണ് സുരേഷ് ഗോപി ജയിച്ചതെന്ന സതീശന്‍റെ പ്രസ്താവന പിൻവലിച്ച് മാപ്പു പറയണമെന്നും അദ്ദേഹം പറഞ്ഞു.
