തിരുവനന്തപുരം: സംഘര്ഷത്തിന് പിന്നാലെ എറണാകുളം മഹാരാജാസ് കോളെജ് പ്രിന്സിപ്പാളിനെ സ്ഥലം മാറ്റി സര്ക്കാര്. ഡോ. വി എസ് ജോയിയെ പട്ടാമ്പി ശ്രീ നീലകണ്ഠ സർക്കാർ സംസ്കൃത കോളെജിലേക്കാണ് സ്ഥലം മാറ്റിയത്. കോളെജ് വിദ്യാഭ്യാസ ഡയറക്ടറുടെ ശുപാര്ശയുടെ അടിസ്ഥാനത്തിലാണ് സ്ഥലമാറ്റം.
കഴിഞ്ഞ കുറച്ചു ദിവസങ്ങളായി കോളെജിൽ നിലനിൽക്കുന്ന സംഘർഷാവസ്ഥയുണ്ട്. ഇതിന്റെ പശ്ചാത്തലത്തിൽ കോളേജ് അനിശ്ചിത കാലത്തേക്ക് അടച്ചിരിക്കുകയാണ്. എസ്എഫ്ഐ നേതാവ് വിദ്യയുടെ വ്യാജരേഖ കേസില് പൊലീസിലെ പരാതിക്കാരനായിരുന്നു വിഎസ് ജോയി. എസ്എഫ്ഐ സംസ്ഥാന പ്രസിഡന്റ് പിഎം ആര്ഷോയുടെ മാര്ക്ക് ലിസ്റ്റ് വിവാദത്തിലും ഇദ്ദേഹം പ്രതിയായിരുന്നു. മഹാരാജാസ് കോളെജിലെ മാര്ക്ക് ലിസ്റ്റ് വിവാദവുമായി ബന്ധപ്പെട്ട് ആര്ഷോ നല്കിയ പരാതിയിലാണ് മഹാരാജാസ് കോളെജ് പ്രിന്സിപ്പാള് ഡോ.വിഎസ് ജോയിയെ രണ്ടാം പ്രതിയാക്കി പൊലീസ് ഗൂഡാലോചന കേസ് എടുത്തിരുന്നു.
മഹാരാജാസ് കോളജില് ഒരു വിദ്യാര്ഥിയ്ക്ക് കുത്തേറ്റതുള്പ്പെടെ, വിദ്യാര്ഥികള്ക്കും അധ്യാപകനും നേര്ക്കുണ്ടായ അക്രമസംഭവങ്ങളെ ഉന്നതവിദ്യാഭ്യാസ വകുപ്പ് വളരെ ഗൗരവത്തോടെയാണ് കാണുന്നതെന്ന് മന്ത്രി ആര് ബിന്ദു പറഞ്ഞു.