കോഴിക്കോട്: ലോക്സഭാ പ്രതിപക്ഷ നേതാവ് രാഹുൽ ഗാന്ധി ബുധനാഴ്ച കോഴിക്കോട് എത്തും. യുഡിഎഫിന്റെ തെരഞ്ഞെടുപ്പ് പ്രചാരണത്തിനു വേണ്ടിയാണ് രാഹുൽ ഗാന്ധി എത്തുന്നത്. കോഴിക്കോട് കടപ്പുറത്ത് വച്ച് നടക്കുന്ന പൊതുസമ്മേളനത്തിൽ അദ്ദേഹം പങ്കെടുക്കും.
തെരഞ്ഞെടുപ്പിന് മുൻപ് സംസ്ഥാന വ്യാപക പര്യടനമാണ് രാഹുൽ ലക്ഷ്യമിടുന്നത്. കോൺഗ്രസ് നേതാക്കളായ രമേശ് ചെന്നിത്തല, വി.ഡി. സതീശൻ, സണ്ണി ജോസഫ് അടക്കമുള്ളവർ ചടങ്ങിൽ പങ്കെടുക്കും.
