വീണ്ടും തിരിച്ചടി; രാഹുലിനെ കസ്റ്റഡിയിൽ വിട്ടു

തിരുവല്ല: ബലാത്സംഗ കേസിൽ രാഹുൽ മാങ്കൂട്ടത്തിൽ എംഎൽഎയെ കസ്റ്റഡിയിൽ വിട്ട് കോടതി. 15 വരെയാണ് രാഹുലിനെ എസ്ഐടി കസ്റ്റഡിയിൽ വിട്ടത്. 5 ദിവസത്തേക്കായിരുന്നു അന്വേഷണ സംഘം കസ്റ്റഡി ആവശ്യപ്പെട്ടിരുന്നത്.

ജാമ്യം നൽകണമെന്നും അറസ്റ്റ് നടപടിക്രമങ്ങൾ പാലിക്കാതെയാണെന്നുമൊക്കെയുള്ള വാദം രാഹുൽ കോടതിയിൽ ഉന്നയിച്ചെങ്കിലും വിലപ്പോയില്ല. ജാമ്യാപേക്ഷ 16 ന് പരിഗണിക്കാമെന്ന് കോടതി അറിയിക്കുകയായിരുന്നു.