സംസ്ഥാനത്ത് വീണ്ടും മഴ സജീവമാവുന്നു; ചൊവ്വാഴ്ച 4 ജില്ലകളിൽ യെലോ അലർട്ട്

തിരുവനന്തപുരം: ഒരിടവേളയ്ക്ക് ശേഷം സംസ്ഥാനത്ത് മഴ സജീവമാവുമെന്ന് മുന്നറിയിപ്പ്. നാലുജില്ലകളിൽ ചൊവ്വാഴ്ച കാലാവസ്ഥ വകുപ്പ് യെലോ അലർട്ട് പ്രഖ്യാപിച്ചു. കാസർഗോഡ്, കണ്ണൂർ, വയനാട്, കോഴിക്കോട് ജില്ലകളിലാണ് യെലോ അലർട്ട്.

വടക്കൻ കേരളത്തിൽ മഴ മുന്നറിയിപ്പുണ്ട്. കേരളാ തീരങ്ങളിൽ തിങ്കളാഴ്ച മുതൽ വ്യാഴാഴ്ച വരെ മത്സ്യബന്ധനത്തിന് വിലക്കേർപ്പെടുത്തിയിട്ടുണ്ട്.