അവധിക്കാലത്ത് സ്പെഷ്യല്‍ സര്‍വീസുകളുമായി ദക്ഷിണ റെയ്‌ല്‍വേ

തിരുവനന്തപുരം: വിഷുവും വേനൽ അവധിയും കണക്കിലെടുത്ത് സ്പെഷ്യല്‍ സര്‍വീസുകള്‍ പ്രഖ്യാപിച്ച് ദക്ഷിണ റെയ്‌ല്‍വേ. കൊച്ചുവേളി- എസ്എംവിടി ബംഗളൂരു സ്പെഷ്യൽ സര്‍വീസുകള്‍ ചൊവ്വാഴ്ച ആരംഭിക്കും. ഈ മാസം 16, 23, 30, മേയ് ഏഴ് , 14, 21, 28 തിയതികള്‍ എട്ട് സര്‍വീസുകളായാണ് സജ്ജീകരിച്ചിരിക്കുന്നത്. ബംഗളൂരുവിൽ നിന്ന് തിരിച്ച് 10, 17, 24, മേയ് എട്ട്, 15, 22, 29 തീയതികളില്‍ കൊച്ചുവേളിയിലേക്കും സ്പെഷ്യല്‍ സര്‍വീസ് നടത്തും.

ലോകമാന്യ തിലക് ടെർമിനസ് മുംബൈ - കൊച്ചുവേളി പ്രതിവാര സ്പെഷ്യൽ ഈ മാസം 11, 18, 25, മേയ് രണ്ട് , ഒമ്പത്, 16, 23, 30, ജൂണ്‍ ആറ് തീയതികളിൽ ലോകമാന്യ തിലക് ടെർമിനസിൽ നിന്ന് പുറപ്പെടും. അടുത്ത ദിവസം കൊച്ചുവേളിയിലെത്തും. കൊച്ചുവേളിയിൽ നിന്ന് 13, 20, 27 തിയതികളിലും മേയ് നാല്, 11, 18, 25, ജൂണ്‍ ഒന്ന്, എട്ട് തിയതികളില്‍ തിരിച്ചും സര്‍വീസ് നടത്തും.