''എസ്എസ്എൽസി, ഹയർസെക്കണ്ടറി മൂല്യനിർണയം ഏപ്രിൽ 3 മുതൽ''; മന്ത്രി വി. ശിവൻകുട്ടി
തിരുവനന്തപുരം: എസ്എസ്എൽസി, ഹയർ സെക്കണ്ടറി, വൊക്കേഷണൽ ഹയർ സെക്കണ്ടറി പരീക്ഷാ മൂല്യ നിർണയ തീയതി തീരുമാനിച്ചതായി വിദ്യാഭ്യാസ മന്ത്രി വി. ശിവൻകുട്ടി. ഏപ്രിൽ 3 മുതലാണ് മൂല്യ നിർണായ ക്യാംമ്പുകൾ ആരംഭിക്കുക.
70 ക്യാമ്പുകളിലായി പതിനായിരത്തോളം അധ്യാപകർ എസ്എസ്എൽസി പരീക്ഷാ മൂല്യ നിർണയത്തിൽ പങ്കെടുക്കും. ഹയർ സെക്കണ്ടറി മൂല്യ നിർണയം 77 ക്യാമ്പുകളിലായി 25,000 ത്തോളം അധ്യാപകരുടെ നേതൃത്വത്തിൽ നടക്കും. വൊക്കേഷണല്‍ ഹയര്‍ സെക്കന്‍ഡറി മൂല്യനിര്‍ണയ 8 ക്യാമ്പുകളിലായി 2,200 അധ്യാപകരുടെ നേതൃത്വത്തിൽ നടക്കുമെന്നും വിദ്യാഭ്യാസ മന്ത്രി വ്യക്തമാക്കി.
തെരഞ്ഞെടുപ്പ് നടപടി ക്രമങ്ങളെ ബാധിക്കാതെ രീതിയിലാവും മൂല്യ നിർണയം നടക്കുക. മാര്‍ച്ച് 31 ഈസ്റ്റര്‍ ദിനത്തില്‍ മൂല്യനിര്‍ണയ ക്യാമ്പുകളുമായി ബന്ധപ്പെട്ട പ്രവര്‍ത്തനങ്ങള്‍ അധ്യാപകര്‍ക്ക് ഉണ്ടാകുമെന്ന പ്രചാരണം വ്യാജമാണെന്നും മന്ത്രി വ്യക്തമാക്കി.
