കോഴിക്കോട്: കോഴിക്കോട് മെഡിക്കൽ കോളെജ് ആശുപത്രിയിൽ വീണ്ടും ശസ്ത്രക്രിയ പിഴവ്. കൈയ്ക്ക് പൊട്ടലുള്ള രോഗിക്ക് കമ്പി മാറിയിട്ടതായാണ് പരാതി. ശസ്ത്രക്രിയക്കു പിന്നാലെ രോഗിയായ അജിത്തിന് വേദന ശക്തമായതോടെയാണ് പിഴവ് തിരിച്ചറിഞ്ഞത്. രാത്രി വീണ്ടും ശസ്ത്രക്രിയ നടത്താമെന്ന് ഡോക്ടർ നിർദേശിച്ചു. അത് നിരസിച്ചതോടെ ഡോക്ടർ ദേഷ്യപ്പെട്ടതായും അജിത്ത് പറഞ്ഞു.
24 വയസുകാരനായ അജിത്തിനെ വാഹനാപകടത്തെ തുടർന്നാണ് മെഡിക്കൽ കോളജ് ആശുപത്രിയിൽ പ്രവേശിപ്പിച്ചത്. ശസ്ത്രക്രിയക്കായി ഒരാഴ്ചത്തോളമാണ് ആശുപത്രിയിൽ കഴിഞ്ഞക് പൊട്ടലുണ്ടെന്ന് തിരിച്ചറിഞ്ഞിട്ടും ശസ്ത്രക്രിയ ഒരാഴ്ച നീട്ടുകയായിരുന്നു. മറ്റൊരു രോഗിയുടെ കമ്പിയാണ് ഡോക്ടർ അജിത്തിന്റെ കയ്യിലിട്ടത്.
കൈ വേദന അസഹനീയമായപ്പോൾ അജിത്തിന് അനസ്തേഷ്യ നൽകി. 3000 രൂപയുടെ ശസ്ത്രക്രിയ ഉപകരണങ്ങൾ തങ്ങൾ വാങ്ങി നൽകിയെങ്കിൽ ഡോക്ടർ ഉപയോഗിച്ചില്ലെന്നും അജിത്തിന്റെ അമ്മ പറഞ്ഞു.
