ടി.കെ. ഗോവിന്ദൻ
കണ്ണൂർ: സിപിഎം സംസ്ഥാന സെക്രട്ടറി എം.വി. ഗോവിന്ദന് മറുപടിയുമായി തളിപ്പറമ്പ് എംഎൽഎ ടി.കെ. ഗോവിന്ദൻ. പാർട്ടിയെ തെറ്റായ രീതിയിൽ നയിച്ചവരാണ് വർഗ വഞ്ചകരെന്നും യഥാർഥ വർഗ വഞ്ചകർ ആരാണെന്നും ആർക്കാണ് അധികാരമോഹമെന്നും ജനങ്ങൾ തിരിച്ചറിഞ്ഞുവെന്നാണ് എംഎൽഎ പ്രതികരിച്ചത്.
പാർട്ടിക്കുള്ളിൽ അധികാരമോഹവും പാർലമെന്ററി മോഹവും കൊടികുത്തി വാഴുകയാണെന്നും ടി.കെ. ഗോവിന്ദൻ ആരോപിച്ചു.
എം.വി. ഗോവിന്ദൻ വലിയ മഹത്വമൊന്നും പറയേണ്ടതില്ലെന്നും ടി.കെ. ഗോവിന്ദൻ പറഞ്ഞു. സിപിഎം ബന്ധം ഉപേക്ഷിച്ച് വിമതരായി ഇത്തവണത്തെ നിയമസഭാ തെരഞ്ഞെടുപ്പിൽ മത്സരിച്ച ടി.കെ. ഗോവിന്ദൻ, ജി. സുധാകരൻ, വി. കുഞ്ഞികൃഷ്ണൻ വർഗ വഞ്ചകരാണെന്ന് നേരത്തെ എം.വി. ഗോവിന്ദൻ പറഞ്ഞിരുന്നു. ഇതിനാണ് ഇപ്പോൾ മറുപടിയുമായി തളിപ്പറമ്പ് എംഎൽഎ രംഗത്തെത്തിയിരിക്കുന്നത്.
