തിരുവനന്തപുരം: സംസ്ഥാനത്ത് ഞായറാഴ്ചയും ഉയർന്ന താപനില മുന്നറിയിപ്പ്. സാധാരണയെക്കാൾ 2°C മുതൽ 4°C വരെ താപനില ഉയരാന്‍ സാധ്യതയുള്ളതായാണ് മുന്നറിയിപ്പിൽ പറയുന്നത്.
വേനൽ കടുക്കുന്ന സാഹചര്യത്തിൽ സംസ്ഥന ദുരന്തനിവാരണ അഥോറിറ്റിയും ജാഗ്രതാ നിർദേശം പുറപ്പെടുവിച്ചു. വരും ദിവസങ്ങളിലും ഉയർന്ന താനിലയും ഈർപ്പവും കലർന്ന അസ്വാസ്ഥ്യജനകമായ കാലാവസ്ഥ തുടർന്നേക്കുമെന്നും മുന്നറിയിപ്പിൽ പറയുന്നു.
പകൽ 11 മുതല്‍ വൈകിട്ട് 3 വരെയുള്ള സമയത്ത് നേരിട്ട് ശരീരത്തിൽ കൂടുതൽ സമയം തുടർച്ചയായി സൂര്യപ്രകാശം ഏൽക്കുന്നത് ഒഴിവാക്കണം.
അതേസമയം, കാലവർഷം തെക്കന്‍ ബംഗാൾ ഉൾക്കടലിലും, തെക്കന്‍ ആന്‍ഡമാന്‍ നിക്കോബാർ ദ്വീപുകളിലും കൂടുതൽ ഇടങ്ങളിലേക്കും വ്യാപിക്കുകയാണ്. ഞായറാഴ്ച പ്രത്യേകിച്ച് ഒരു ജില്ലയിലും മഴ മുന്നറിയിപ്പില്ല.
