താമരശേരി ചുരത്തിൽ ഗതാഗത നിയന്ത്രണം
കോഴിക്കോട്: താമരശേരി ചുരത്തിൽ ജനുവരി 5 മുതൽ കൂടുതൽ ഗതാഗത നിയന്ത്രണം. പൊതുമരാമത്ത് ദേശീയപാത ഉപവിഭാഗം അസിസ്റ്റന്റ് എഞ്ചിനിയറാണ് നിയന്ത്രണം അറിയിച്ചത്.
ചുരത്തിലെ 6,7, 8 വളവുകളിൽ മുറിച്ചിട്ട മരങ്ങൾ ക്രെയിൻ ഉപയോഗിച്ച് ലോറിയിൽ കയറ്റുന്നതിനും റോഡിൽ അറ്റകുറ്റ പണികൾ നടത്തുന്നതിനുമാണ് ഗതാഗത നിയന്ത്രണം ഏർപ്പെടുത്തുന്നത്.
ഭാരവാഹനങ്ങൾ നാടുകാണി ചുരത്തിലൂയോ കുറ്റ്യാടി ചുരം വഴിയോ തിരിച്ചുപോകണമെന്ന് അധികൃതർ അറിയിച്ചു.
