കുണ്ടന്നൂരില് സ്കൂള് ബസിന് തീപിടിച്ചു; ഒഴിവായത് വന്ദുരന്തം | Video
കൊച്ചി: കുണ്ടന്നൂരില് സ്കൂള് ബസിന് തീപിടിച്ചു. കുണ്ടന്നൂരിൽ നിന്ന് തേവരയിലേക്ക് തിരിഞ്ഞുപോകുന്ന ഭാഗത്ത് വച്ച് തേവര എസ്.എച്ച്. സ്കൂളിലേക്ക് വിദ്യാര്ഥികളെ കയറ്റാന് പോകുന്നതിനിടെയാണ് ബസിന് തീപിടിച്ചത്. അപകട സൂചന ലഭിച്ചതും ബസ് ജീവനക്കാര് നാട്ടുകാരുടെ സഹായത്തോടെ കുട്ടികളെ ബസിൽ നിന്ന് ഇറക്കി ദൂരേക്ക് മാറ്റിയതിനാൽ ആളപായം ഉണ്ടായില്ല.
ബുധനാഴ്ച രാവിലെ 8.45 ഓടെയാണ് സംഭവം. തീ ഉയരുന്നത് കണ്ട് ഉടന് തന്നെ വാഹനം നിര്ത്തുകയായിരുന്നു. വാഹനത്തില് ഡ്രൈവര് മാത്രമാണ് ഉണ്ടായിരുന്നത്. വഴിയേപോയ കുടിവെള്ള ടാങ്കറിലെ വെള്ളം ഉപയോഗിച്ച് തീ കെടുത്താന് നാട്ടുകാര് ശ്രമിച്ചു. പിന്നീട് അഗ്നിശമന സേനയെത്തി തീ പൂര്ണമായി അണച്ചു.
ബസിന്റെ മുൻ ഭാഗത്ത് നിന്നാണ് തീ ഉയര്ന്നത്. ബസ് പൂര്ണമായും കത്തി നശിച്ചു. മിനി ബസിന് തീപിടിക്കാനുള്ള കാരണം സംബന്ധിച്ച് ഫയര്ഫോഴ്സ് അന്വേഷണം ആരംഭിച്ചിട്ടുണ്ട്. പൊലീസും മോട്ടോര് വാഹനവകുപ്പ് ഉദ്യോഗസ്ഥരും സ്ഥലത്തെത്തിയിട്ടുണ്ട്.
