കോഴിക്കോട് 13 കാരിയുടെ മരണം; വെസ്റ്റ് നൈലെന്ന് സംശയം

കോഴിക്കോട്: കോഴിക്കോട് ബേപ്പൂരിൽ പതിമൂന്നുകാരി മരിച്ചത് വെസ്റ്റ്നൈൽ പനി ബാധിച്ചെന്ന് സംശയം.പനി ബാധിച്ച് മെഡിക്കൽ കോളെജ് ആശുപത്രിയിലിരിക്കെയാണ് കുട്ടി മരിച്ചത്. പുനെയിലെ ദേശീയ വൈറോളജി ഇൻസ്റ്റിറ്റ്യൂട്ടിൽ നിന്നുള്ള പരിശോധനാഫലം വന്നാൽ മാത്രമേ ഇക്കാര്യം സ്ഥിരീകരിക്കാനാവൂ.

കോഴിക്കോട്,മലപ്പുറം,തൃശൂർ,പാലക്കാട് ജില്ലകളിൽ നേരത്തെ വെസ്റ്റ്നൈൽ പനി റിപ്പോർട്ട് ചെയ്തിരുന്നു. തൃശൂരും പാലക്കാടും ഒരാൾവീതം പനിയെത്തുടർന്ന് മരിച്ചിരുന്നു.