തെക്കേഗോപുര വാതിൽ തുറന്നു; പൂരവിളംബരത്തിന് തുടക്കം

തൃശൂർ: തൃശൂർ പൂരത്തിലെ പ്രധാനപ്പെട്ട ചടങ്ങുകളിലൊന്നായ പൂര വിളംബരത്തിന് തുടക്കം. നെയ്തലക്കാവ് ഭഗവതിയുടെ തിടമ്പേറ്റി കൊമ്പൻ എറണാകുളം ശിവകുമാർ തെക്കേഗോപുരനട തള്ളി തുറന്നതോടെയാണ് പൂര വിളംബരത്തിന് തുടക്കമായത്.

ചൂട് കാലമായിട്ടും പൂരവിളംബരം കാണാൻ ജനസാഗരമാണ് തൃശൂർ വടക്കുന്നാഥ സന്നിധിയിലെത്തിയത്. മുണ്ടത്തിക്കോട് അപകടമുണ്ടായതിനെത്തുടർന്ന് ഇത്തവണ ചടങ്ങുകൾ മാത്രം നടത്താനാണ് തീരുമാനം. കുടമാറ്റം 15 മിനിറ്റായി ചുരുക്കിയിരുന്നു.