തൃശൂർ: വാഴച്ചാൽ- മലക്കപ്പാറ റൂട്ടിൽ നാളെ മുതൽ ഗതാഗത നിയന്ത്രണം. അറ്റകുറ്റപ്പണികൾ നടക്കുന്നതിനാലാണ് വാഴച്ചാൽ- മലക്കപ്പാറ റൂട്ടിൽ ഗതാഗത നിയന്ത്രണം ഏർപ്പെടുത്തിയിരിക്കുന്നതെന്ന് കലക്‌ടർ അറിയിച്ചു. നാളെ മുതൽ ജൂൺ 2 വരെയാണ് സ്വകാര്യ വാഹനങ്ങൾക്ക് നിയന്ത്രണം ഏർപ്പെടുത്തിയിരിക്കുന്നത്. വാഴച്ചാൽ ചെക്കുപോസ്റ്റ് മുതൽ മലക്കപ്പാറ ചെക്കുപോസ്റ്റ് വരെയാണ് ഗതാഗത നിയന്ത്രണമുള്ളത്.
അതേസമയം, രാവിലെയും വൈകീട്ടും കെഎസ്ആർടിസി നടത്തുന്ന ട്രിപ്പ് തുടരാവുന്നതാണെന്നും ജില്ലാ കലക്‌ടർ അറിയിച്ചു. അന്തർ- സംസ്ഥാന സർവീസ് നടത്തുന്ന സ്വകാര്യ ബസുകൾക്കും ഇളവ് അനുവദിച്ചിട്ടുണ്ട്. കൂടാതെ അടിയന്തര സാഹചര്യത്തിൽ ആംബുലന്‍സ് പോലുള്ള വാഹനങ്ങൾക്കും കടന്നുപോകാം. എന്നാൽ വിനോദസഞ്ചാരികളെ ഈ ദിവസങ്ങളിൽ വാഴച്ചാൽ- മലക്കപ്പാറ റൂട്ടിലൂടെ കടത്തിവിടില്ലെന്നും അധികൃതർ അറിയിച്ചു.
