കോഴിക്കോട്: എലത്തൂർ ട്രെയിനിൽ തീ വെച്ച സംഭവത്തിൽ പ്രതിയുടെ ചോദ്യം ചെയ്യൽ പുരോഗമിക്കുന്നു. ട്രെയിനിൽ നിന്നും വീണ് മൂന്നു പേർ മരിച്ചതിൽ തനിക്ക് പങ്കില്ലെന്നാണ് ഷീറൂഖിന്‍റെ മൊഴി. താൻ ആരെയും തള്ളിയിട്ടിട്ടില്ലെന്നും പ്രതി പറയുന്നു. എന്നാൽ പ്രതിക്കുമേൽ പൊലീസ് കൊലക്കുറ്റമാണ് ചുമത്തിയിരിക്കുന്നത്.
3 പേരുടേയും മരണത്തിൽ ഇയാൾക്ക് പങ്കുണ്ടെന്ന കണ്ടെത്തലിന്‍റെ അടിസ്ഥാനത്തിലാണ് കൊലക്കുറ്റം ചുമത്തിയിരുന്നത്.എന്നാൽ മരിച്ച മൂന്നുപേരുടെയും ശരീരത്തിൽ പൊള്ളലേറ്റതിന്‍റെ പാടുകളില്ല. വീഴ്ച്ചയാണ് മരണകാരണം.
