സംസ്ഥാനത്ത് ജൂൺ 10 മുതൽ ട്രോളിങ് നിരോധനം ഏ‍ർപ്പെടുത്തി
file image
തിരുവനന്തപുരം: സംസ്ഥാനത്ത് ഈ മാസം 10 മുതൽ ട്രോളിങ് നിരോധനം. വ്യാഴാഴ്ച (June 05) ചേർന്ന മന്ത്രിഭാ യോഗത്തിലാണ് തീരുമാനം. ജൂൺ 9 അർധരാത്രി മുതൽ ജൂലൈ 31 അർധരാത്രി വരെ 52 ദിവസമാണ് ട്രോളിങ് നിരോധനം. ഇതു സംബന്ധിച്ച വിജ്‍ഞാപനവും പുറപ്പെടുവിച്ചു.
അതേസമയം, റവന്യൂ വകുപ്പിനു കീഴിൽ ലാന്‍ഡ് ഹോർഡിന്‍റെ നിയന്ത്രണത്തിൽ പ്രവർത്തിക്കുന്ന വിവിധ ഓഫിസുകളിലെ 668 താത്‌കാലിക തസ്തികകൾക്ക് ഈ മാസം ഡിസംബർ 31 വരെ ഒരു വർഷത്തേക്ക് തുടർച്ചാനുമതി നൽകി. യോഗത്തിൽ തസ്തിക സൃഷ്ടിക്കൽ, വേതന പരിഷ്‌കരണം, സമുദായ നാമം മാറ്റൽ, തോന്നയ്ക്കൽ സയൻസ് പാർക്കിൽ പുതിയ സംരംഭകത്വ പ്രോത്സാഹന കേന്ദ്രം, പാട്ടനിരക്ക് പുതുക്കൽ അടക്കം വിവിധ വിഷയങ്ങളിൽ തീരുമാനമെടുത്തു.