തൃശൂർ: കേന്ദ്ര ആഭ്യന്തരമന്ത്രി അമിത് ഷാ 12-ാം തീയതി കേരളത്തിലെത്തും. തൃശൂർ തേക്കിൻകാട് മൈതാനത്ത് നടക്കുന്ന ബിജെപി പൊതുസമ്മേളനത്തിൽ അദ്ദേഹം പങ്കെടുക്കും.
ഈ മാസം അഞ്ചാം തീയതി അമിത് ഷാ തൃശൂരിലെത്തുമെന്നായിരുന്നു അറിയിച്ചിരുന്നത്. എന്നാൽ ജി20 യുമായി ബന്ധപ്പെട്ട് അടിയന്തരയോഗം ചേരേണ്ടി വന്നതിനാൽ കേരള സന്ദർശനം മാറ്റി വച്ചതെന്നും പുതിയ തീയതി 2 ദിവസത്തിനുള്ളിൽ അറിയിക്കുമെന്നും ബിജെപി നേതൃത്വം അറിയിച്ചിരുന്നു. കേരളം പിടിച്ചടക്കാനുള്ള ശക്തി അനന്തപത്മനാഭന്റെ മണ്ണിൽ നിന്നോ വടക്കും നാഥന്റെ മണ്ണിൽ നിന്നോ നേടണമെന്നായിരുന്നു ബിജെപി കേന്ദ്ര നേതൃത്വത്തിന്റെ കണക്കുകൂട്ടൽ. ലോക്സഭ തെരഞ്ഞെടുപ്പിനു മുന്നോടിയായിട്ടുള്ള ബിജെപിയുടെ പടയൊരുക്കത്തിന്റെ ഭാഗമായാണ് അമിത്ഷായുടെ കേരള സന്ദർശനം.
